සිසිල් සඳ පහන් සිළ නොදැල් වුවද රැයේ
හැමදාම තරු ඇසක් දිලිසුනා නුඹ කුසේ
හුදකලා හදවතක් ඉකිබිඳින යාමයේ
සඳ නොවේ තරු කිරණ පමණි හද සැනසුවේ........................
සුවඳ වත් පවන් රැළි හොර හොරෙන් පැමිණිලා
වෙලී කොඳුරයි රහස් දෙසවනට ලංවෙලා
නොපීදුව සිහිනයක සුවඳ හදවත තලා
පිපුණු කඳුලැලි දැකම තරු එලිය මැලවුනා.........................
තනිකමට මුළුගැහුනු හදවතම ගොළුවෙලා
පැතුම් සිතුවිළි දෑළ උඩුහුළඟේ ඉගිලිලා
කවුළු පියපත තුළින් හදට සිසිළක් සලා
දිළි දිළී තනි රැක්ක තරු තිතත් සැඟවෙලා...................
ලස්සන නිර්මාණයක් අක්කෙ... අපූරුවට පද ගලපලා තියෙනවා......
ReplyDeleteඔබට ස්තූතියි.....සොයුරිය
ReplyDelete