Thursday, July 29, 2010

ගොළු වූ ප්‍රේමය...........


නුඹ වෙත බැඳි පෙමින් පිපි කුසුමන් පුදදී

මා හද ඔබේ පා මුල දැහැනක කිමිදී

මැළවෙන මල් දම ට සෙනෙහස් පිණි අයදී

නුඹ කෝ කොතැනක ද තවමත් ඇයි ද නිදී.....



හදවත රැඳුනු ඉමිහිරි සිහිනෙක සුවඳ

සැළෙන සුසුමකට පිසදාහල හැකිද

නෙත මත මවා නුඹෙ හසරැළි මන නන්ද

සනසනු මැනවි තුන් යම ඉකිලන මහද............


ඉම නොපෙනෙනා හිස් අහසේ නෙතු නැවතී

ගිණිගත් හදින් රහසේ සුසුමන් සැලෙතී

සිරගත කෙරූ හදවත මොහොතක් නැවතී

නුඹ රැඳි සොඳුරු සිතිවිලි සටහන් සොයතී...........

3 comments: