මවුනි නුඹ දෙවඟනකි...........

ලොව පුබුදන්නට රන්වන් අරුනළු

දහරින් මිහිකත සනසවනා...........

රන් හිරු මඩලයි ඔබ මගෙ ලෝකය

සෙනෙහස් දහරින් සතපවනා............

ගණඳුර දැවටුණු රෑ ගුවන් ගැබේ

දිදුලන රන් පුර හඳ සේමා.........

මවුනි, නුඹයි මගෙ විජිතය සරසන

කසුන් ප්‍රදීපය නිති දිලෙනා...............

පවස නිවන සිහිලැල් ගඟුලක් සේ

දිවි ගමනේ සරතැස නිවනා..............

මවුනි නුඹේ පෙම් ගඟූලේ දියවර

මා සතපයි සුවයෙන් සොඳිනා............

අමා බිඳක් වන් අදරැති වදනින්

හද සෝ දුක් සංකා නිවනා...........

මා හද දෙවොලේ දෙවඟන නුඹවේ..........

දෙව් පුරයෙන් පරසතු පුදනා..................